Robin Hood

Programmheft “Robin Hood”

Pressebericht der AZ, Derniére von Robin Hood, 3. September 2009

Poetry Slam Text zur Dernière von Melanie Göldi, 23. August 2009

Es letschts mol ertönt d Musig,
und alli Schauspeler send weder grusig nervös..
debii esch s Publikum doch gar ned bös, im Gägeteil,
si näme sogar em Räge teil
A eusere Vorstellig.

D Dernière em Freiliechttheater, wo alli metem Kater
vom Vorobe nachem Fiirobe chöme,
esch emmer sone Sach ond met Ach ond Krach
brengt me die letschti Vorstellig öber d Rondi, ond jede brengt e gsondi
Portion Wehmuet, wo guet tuet,
zom nomol alles geh und am Schloss de Applaus entgäge zneh.

Vo einige Textpatzer ond Chratzer bem Omgheie
foht me au nömm gross a umeschreie,
sondern gnüsst s letschte Mol vo Härze met Schmärze,
well me weiss, es chonnt ned nomol.

Wenn denn de Applaus erklengt
und Freud und Stolz id Härze brengt
vo all dene wo metgschaffet händ und ned nome zuegaffet händ,
denn werd eim klar,
das esches gsi und jetzt eschs verbii.

Nacher au bem Wiisswii und bem Zämesetze
und neui Plän förd Zuekunft schnetze,
werd eim klar, dass das was war
sehr vell Wert gsi esch ond me freut sech uf de monetlechi Stammtesch,
ufs erneute Zämefende ond d Ziit chli Schende
beses heisst s nöchschte Projekt in Agreff zneh und döte weder alles zgeh.

So lauft das i dere Grossfamilie, i dem Verein
wos heisst ‚Jeder für Jeden da sein’.
De Theaterhufe cha wiit meh als nome omesuufe,
nei, me cha rechtig chrampfe ond dampfe
besmes so het wie das de Regisseur gärn wett.
Denn er esch de Leithond,
doch ohni sini Crew wär alles nur (Begleit)Schond
ond drom esch s Team als ganzes Essentiell
ond jede esch för sech speziell
ond treit siis dezue bii, dases eso usechonnt
wies am Schloss muess sii,

Die Troppe wo us Träumer bestoht,
us Optimeschte und Realeschte
ond wo jedem sini eignig Meinig loht,
das esch d Ärlischbacher Böhni.

Pressebericht der AZ, Revolution im Sherwood Forest, 18. August 2009